အလွဲများစွာအတွက် မွေးဖွားလာခဲ့သူ (သို့မဟုတ်) လူပျိုသိုးကိုကို

အချစ်ရဲ့အစ ပထမတန်းကလပ် ပွဲစဉ်တွေကတည်းက တန်းဆင်းဇုံနဲ့ မိတ်ဖွဲ့၊ အီစီကလီကွင်းထဲမှာ ဘေးထွက်ဘော ခဏခဏဖြစ် [ဘောင်းဘီတိုလို့လေ...အဲ ဟုတ်ပေါင်]၊ နှလုံးသား 1st line up မှာ အရန်လူ…၊ သူများ တိုက်စစ်မှူးတွေရဲ့ လူကျွံဘောတွေ ပိုက်ဘောတွေကို သွားရည် တမြားမြားနဲ့ ငေးကြည့်နေရ….၊ ပရီးမီးယား သမီးရည်းစားလိဂ်မှာ ဗိုလ်မစွဲဖူးသေး… ၊ ရင်ခုန်သံ ချန်ပီယံလိဂ်ဖလားဆို ဝေးရော…၊ လူပျိုကြီးယူနိုက်တက်မှာ ၀ါအရင့်ဆုံး တိုက်စစ်မှူး..။ ဒါပေသည့် သွင်းဂိုး ဇီးရိုး..။ တစ်ခါတစ်လေ ကန်ရတဲ့ပွဲမှာ ကိုယ့်ကိုလူစားလဲရင် တစ်ဖက်အသင်းက စပါယ်ရှယ်ဝမ်းနည်း….။

အသည်းကွဲမက်ဒရစ် အသင်းကြီးကတော့ ကမ္ဘာ့စံချိန်တင် ပြောင်းရွှေ့ ကြေးအဖြစ် PLAY BOY မဂ္ဂဇင်း သုံးအုပ်နဲ့ ကမ်းလှမ်းထားပေမယ့် အချစ်စီးတီးအသင်းမှာ လစာမဲ့ပဲဖြစ်ဖြစ် အငှားကစားချင်သူ…။ ချစ်သူကို ကျီးကန်းတောင်းမှောက် ရှာလွန်းအားကြီးတဲ့ မျက်လုံးကြီးတွေကြောင့် လီဗာပြူးကို ပြောင်းပါလားလို့ အကြံပေး တစ်ချို့ တော့ ရှိပါရဲ့။ ဒိုလေးလို အပျိုလေးတွေက အပီလာရောမယ် ထင်ထားပေမယ့် သူတို့အမြင်မှာ ကိုယ်က အဒီဘာယော…။ သံယောဇဉ်မီလန်ကို ခြေကန်ခဲ့ရတာလည်း ဥပေက္ခာ FIFA ရဲ့ စည်းကမ်းချက်နဲ့ မကိုက်လို့ပါကွယ်။ အားလုံးက နောက်ဆုံးသေချာရောက်မယ် ထင်တဲ့ကလပ်က အရူးကာဆယ်… ဟင့်!..။

အကြင်နာနဲ့ မေတ္တာကန်ချက်တွေကလည်း အမုန်းဒိုင်လူကြီးရဲ့ အလွမ်းအဆွေးကဒ်တွေကြားမှာ ခြေမပေါ်နိုင်ခဲ့.. [ပေါ်တဲ့အရာကတော့ ပုံတွင် ရှု]။ တစ်ဖက်သတ်အချစ်ကြောင့် ပေးရတဲ့ပြစ်ဒဏ်ဘောတွေ စီတန်းနေလို့ ဇီဒန်းကတောင် ဒယ်ဒီခေါ်ရ..။ အောင်သွယ်တော် အခွင့်အလမ်းနဲ့ ပင်နယ်တီကံစမ်းပွဲမှာလည်း ဂေါ်မစွံတိုင်ထိပေါင်း များလှပေါ့..။ ပေါက်ကွဲလုမတတ် ရင်ဘတ်က ခံစားချက်တွေ ကစားကွက်ဆင်သော်ငြားလည်း ဖူးစာခံစစ်ကို မထိုးဖောက်နိုင်…။

ရင်ခွင်နန်းတော် ဘောလုံးရာသီမှာ အချစ်ဆိုတဲ့ဖလားကြီး ကိုင်မြှောက်နိုင်ဖို့က နှာအဲလက်စ် ဖာကြူဆန်၊ ဖင်နီတက်၊ စအိုလာရီ၊ ပေါ်ရင်ညို၊ တဏှာဆင်ဝင်းဂါးတို့လို မစွမ်းတဲ့မြှားနတ်မောင် မန်နေဂျာကြောင့်များလားကွယ်…။ ဘာပဲဖြစ်ဖြစ်လေ ပုသိမ်အသင်း .. အဲ.. စပိန်အသင်းတောင်မှ နှစ်လေးဆယ်ကျော် ဝေးကွာနေတဲ့ ဥရောပဖလားကြီးကို သိမ်းပိုက်နိုင်သေးတာပဲ… ငါလည်း နောက် နှစ်လေးဆယ်ကျော်လောက်ဆိုရင်.. ဆိုရင်.. ဟိုက်.. သေပြီဆရာ…။

နောက်ခံတေး…. “ပင်လယ်ကြီး ကိုယ်ဖြတ်သန်း အလယ်မှာ ရေနစ်နေ… တောင်စွယ်များ ၀ိုင်းကာ ကာရန်ထား လမ်းတစ်ဝက် ခြေသလုံးကျွတ်တက်… အမုန်းပဲ အချစ်လေးရေ တစ်ယောက်ထဲ မသေချင်ဘူး ငှက်ပျောတုံးဝေ အရှည်လေးပေ…”

[ကာယကံရှင် လူပျိုသိုးကိုကို၏ ရင်တွင်းဖြစ်များကို ၅ ကြိုးသမား (၄ ကြိုးရောင်းလိုက်ပြီ) Tattoo ကိုယ်တော်မှ ဆီလျော်စွာ ပုံဖော်သွန်းလောင်းထားပါသည်။]