တာဟန်းဖြစ် Mizo မဂ္ဂဇင်း လွမ်းချင်း

တာဟန်း လူငယ်တစ်ချို့ က Mizo ဘာသာနဲ့ မဂ္ဂဇင်းလေးတစ်အုပ်ကို လွန်ခဲ့သော (၁) နှစ်ကျော်လောက်က အသက်သွင်း ပုံဖော်ခဲ့ကြပါတယ်။ CHHAKTIANG AINAWN ဆိုတဲ့ ရသစုံမဂ္ဂဇင်းလေးပါ။ ဘယ်အသင်းတော်၊ ဘယ်အသင်းအဖွဲ့၊ ဘယ်စေတနာရှင်ကိုမှ ခေါင်းမကိုက်၊ စိတ်မရှုပ်၊ မျက်နှာမပျက်စေပဲ မိမိအိတ်ကပ်ထဲမှစိုက်ထုတ်ပြီး ‘ထွက်ခဲ့ဖူးပါသည်’ ရှိအောင် အားထုတ်ခဲ့ကြခြင်းပဲ ဖြစ်ပါတယ်။ အပြင်အဆင် Layout Design နဲ့ မဂ္ဂဇင်း Quality မနိမ့်ကျစေဘဲ သမ္ဘာရှိပြီး စာရေးဆရာများ၊ ဆောင်းပါးဆရာများရဲ့  ဘ၀၊ ဒသန၊ အမြင်များကို ခမ်းနားစွာ တန်ဆာဆင်ထားပြီး၊ အဆင့်အတန်းရှိ မဂ္ဂဇင်းများရဲ့ အင်္ဂါရပ်များနဲ့အညီ ၀င့်ဝင့်ကြွားကြွား ထွက်ရှိခဲ့ပါတယ်။ ၄ လတစ်ကြိမ်တန်သည်၊ ၆ လတစ်ကြိမ်တန်သည် ထုတ်နိုင်ကောင်းရဲ့လို့ အားခဲပြီး အစပျိုးခဲ့ခြင်းပဲ ဖြစ်ပါတယ်။ အတိုချုံးပြောရရင် တာဟန်း လူငယ်၊ လူကြီး အလွှာအသီးသီးကြားမှာ မျက်နှာပန်းပွင့်ခဲ့တဲ့ မဂ္ဂဇင်းတစ်စောင်အဖြစ် အောင်အောင်မြင်မြင် မွေးထုတ်ပေးနိုင်ခဲ့ပါတယ်။ နောက်ကွယ်မှ လုံ့လစိုက်ထုတ် ကြိုးစားခဲ့သူများရဲ့ပီတိကို စာဖတ်သူ တော်တော်များများက သတိထားမိလိမ့်မယ်လို့တောင် မထင်ပါဘူး။ စာဖတ်သူပရိသတ်များဆီက တုံ့ပြန်သံများကိုကြားသိရတာ အလွန်ပဲအားရ ကျေနပ်စရာကောင်းလှပါဘိ။

အဲဒီနောက် Volume 2 ထုတ်နိုင်ဖို့ လိုအပ်တဲ့ ဆောင်းပါး၊ ကဗျာ၊ ကာတွန်း၊ ၀တ္ထုတို၊ အင်တာဗျူး၊ သိမှတ်ဖွယ်ရာ၊ ဂီတအနုပညာသတင်းများနဲ့ Quiz များကို ဆက်လက်စုဆောင်းရပြန်တယ်။ လိုလိုလားလားနဲ့ ပါဝင်ရေးသားပေးကြတဲ့ ကလောင်ရှင်များရဲ့ စာမူများဟာလည်း မကြာခင်မှာပဲ Layout ချထားပြီး Color Separation နှင့် Offset တင်ဖို့အဆင့်ထိ ရောက်ခဲ့ပါတယ်။ လွန်ခဲ့သော ၆ လ၊ ၇ လ လောက်ကဖြစ်ပါတယ်။ ဖြစ်ချင်တော့ တစ်ပိုင်တစ်နိုင် ပါဝင်ပံ့ပိုးပေးကြသူများ အားလုံးဟာလည်း တာဝန်ကိုယ်စီ၊ လုပ်ငန်းကိုယ်စီနဲ့ မအားမလပ်နိုင်အောင် အချိန်မပေးနိုင်၊ လှည့်မကြည့်နိုင် ဖြစ်နေရတဲ့အပြင် အဲဒီအချိန်ကလည်း (မှတ်မိသလောက်) ငွေဈေးတက်၊ ပစ္စည်းဈေးတက်နဲ့ ကိုယ့်အပူ၊ ကိုယ့်အိုးနဲ့ကိုယ် လုံးပန်းနေကြရတဲ့ အချိန်လည်းဖြစ်နေတော့ ဘယ်သူမှ မဂ္ဂဇင်းကိစ္စကို ဂရုမစိုက်အားကြဘူးလေ။ တစ်ဆက်တည်း တစ်ပြည်လုံးမှာ ဟိုကိစ္စဖြစ်လာ၊ ဒီကိစ္စဖြစ်လာနဲ့ ၀ရုန်းသုန်းကားဖြစ်လာပြန်တော့ မဂ္ဂဇင်း ထွက်လာရေးဟာ နောက်ဖက်ကို ရောက်သွားရပြန်တယ်။ အဲလိုအားနည်းချက် အဆင်မပြေချက် အကြောင်းကြောင်းတွေကြောင့် Volume 2 ထွက်လာရေးဟာ ဒီကနေ့အထိ အကောင်အထည်ဖော်နိုင်ခြင်း မရှိဘဲ ကွန်ပျူတာထဲက Folder တစ်ခုအောက်မှာ ငြိမ်သက်စွာပဲ လဲလျောင်းနေခဲ့ရပါတယ်။

ဒါပေမယ့်… မကြာမီ တစ်နေ့မှာ အခက်အခဲများကို ကျော်လွှားနိုင်ပြီး ဓနအင်အား၊ လုပ်အား အင်အားများ တစ်ဖန်ပြည့်ဝလာပြီး အင်အားသစ်နဲ့ ပြန်လည်ထွက်ရှိလာနိုင်လိမ့်မယ်လို့ မျှော်လင့်ရင်း….

[မဖတ်လိုက်ရလို့ ဖတ်ကြည့်ချင်သူများအတွက် ထွက်ရှိခဲ့ပြီးသော Volume 1 ကို Download link မှတစ်ဆင့် ဆွဲယူဖတ်ရှုနိုင်ပါသည်။]