ဗြုတ်စဗျင်းတောင်း

တစ်ခုခုရေးမယ်ဆိုပြီး ဦးနှောက်ကို စမောင်းတယ်။ ဘာရေးရင် ကောင်းမလဲ။ ဂျူမုန်အကြောင်းပဲရေးရမလား။ ဒါမှမဟုတ် မရိုးနိုင်သေးတဲ့ အိပ်မက်စံအိမ်အကြောင်းပဲ ရေးရမလား။ ဒါမှမဟုတ် ဟာဒယရွှင်ဆေးလေးပဲ ဆော့လိုက်ရမလား။ ဆိုကြပါစို့…. ခြင်္သေ့တွေက ဘာလို့ အသားစိမ်းစားတာလဲ? ဘယ်လိုချက်ရမှန်း မသိလို့နေမှာပေါ့။ အင်း…ကိုယ်ဖတ်ပြီးသားကြီး ပြန်ရေးတော့လည်း သူလို ကိုယ်လို တော်တော်များများ သိနေလောက်ပြီ။ အသစ်ကလေး ဖန်တီးရအောင်ကလည်း ကိုယ်က ပါရမီရှင် ငပေါတစ်ယောက်မဟုတ်။ အဲ… နောက်ဆုံးထွက် နာမည်ကြီး DVD တစ်ကားလောက် ဆရာကြီးအထာဖမ်းပြီး ဝေဖန်လေကန်ရေးလုပ်ရင်ကော။ အာ… ဒါလည်း မဖြစ်သေးပါဘူး။ DVD ကြည့်မယ်လုပ်လိုက်။ မီးပျက်လိုက်.. ကြည့်ရင်းတန်းလန်း ပြတ်သွားလိုက်နဲ့ မယ်မယ်ရရကို မကြည့်ဖြစ်သေး။ ဇာတ်သိမ်းမှာ THE END ဆိုတာလောက်တော့ သိပါရဲ့။ မီးပျက်တဲ့အကြောင်း သရော်တော်တော်လုပ်ရအောင်လည်း ကာတွန်းဆရာတွေက ဦးကုန်ပြီ။ မကျန်သလောက်ပဲ။ ထပ်ရေးမယ်ဆိုလည်း ရေးစရာတွေတော့ ဇီးချောင်းကရေတွေ မကုန်ခမ်းသရွေ့ပေါ့။ အပ်ကြောင်းထပ်ရင်သာ ထပ်မယ်။ သိတယ်မို့လား။

သိပြီ။ အဆိုအမိန့်တွေအကြောင်း။ တလောက ဖတ်မိပါတယ်… ဘာတဲ့.. “သိပြီးတော့ မလုပ်သေးရင်လည်း မသိသေးတာနဲ့အတူတူပဲ”… နိပ်ဟ… သူငယ်ချင်းဖွတ်ထားတဲ့ပုလင်းကို သွားလစ်ပြီး ကစ်လိုက်ဦးမှ။ ပြီးတော့ “မှန်တယ်ဆိုတဲ့ရလဒ်အတွက် အမှားများစွာကျော်ဖြတ်ရမယ်” ဆိုပဲ။ ဒီတော့ကာ “အန်တယ် ဆိုတဲ့ရလဒ်အတွက်လည်း ပုလင်းများစွာ မျိုဆို့ရမှာပေါ့” … အင်း… ဆေးရုံနဲ့တော့ အနီးသား။ မဟုတ်သေးပါဘူး။ တက်ကျမ်းသမားတွေ ၀ိုင်းပြီး အာဘွားမပေးခင် Channel ချိန်းမှ…။

ဒီတစ်ခါ…ဗဟုသုတပိုင်းဘက် လှည့်ရင်ကော.. ဝေလာဝေး။ ဘယ်သူ ဘာသိချင်ချင် Internet မှာ Website တွေက တစ်ပြုံတစ်ခဲကြီးဟဲ့ ငတုံးရဲ့။

ရသပိုင်းဆိုရင်ကောကွယ်… အောင်မယ်… သိုင်းဘုတ်အုပ်နှင့် Kid Zone တို့ပဲ နင်းကန်ဖတ်ပြီး လေကြီးဖင်ကျယ်။

ကျန်မာရေးကွာ… အံမာ.. ကိုယ်တောင် ရှူနာရှိုက်ကုန်း သာသာရယ်။

ဒါဖြင့် စီးပွားရေး… လွဲ။ တယ်လေ… လူမှုရေး … နိုင်ငံရေး … စစ်ရေး … ဘာသာရေး… ရေး..ရေး..ရေး…

တော်ပြီ! ဘာမှမရေးတော့ဘူးကွာ။ ကဲ… ပြတ်ကရော။