လူပျိုသိုးကြီးတစ်ယောက်ရဲ့ ဖွင့်ဟ၀န်ခံချက်

[နိဒါန်း]
လပြည့်ည...
လပြည့်ညဆိုမှတော့ လ၀န်းကြီးဟာ လုံးဝန်းနေရမှာပေါ့။
လပြည့်ညမှာ လမင်းကြီးဟာ လုံးဝန်းမနေပါဘူးလို့ အဘယ်သူက ငြင်းနိုင်အံ့နည်း။
တစ်ယောက်သောသူ ကိုယ့်အဖို့တော့ လမင်းကြီးဟာ လုံးဝန်းမနေပါဘူး.... တိမ်ညိုတွေဖုံးလို့... လကြတ်တဲ့ညတွေဆက်လို့... ငါ့ဘ၀မှာ ကနေ့အထိ လမင်းကြီးဟာ လုံးဝန်းမနေနိုင်သေးပါဘူး...


[အခန်း ၁]
"ပန်းတစ်ပွင့် တွေ့တဲ့အခါ မခူးနဲ့၊ ဆက်လျှောက်ပါ... ဥယျာဉ်ကြီးတွေ့လိမ့်မယ်" တဲ့။ တောက်! ဒီအဆို မိန့်ခဲ့တဲ့သူကို အရှင်လတ်လတ် အရေခွံခွာပြီး မသေမချင်း သားရေကွင်းနဲ့ ပစ်သတ်ချင်နေမိတော့တယ်။ တကယ်ပဲ.. ဘယ့်နဲ့ဗျာ ... သူများတွေတော့ မသိဘူး... ကိုယ့်အတွက်တော့ ဥယျာဉ်ကြီးဆီရောက်ဖို့ ခြေအညောင်းခံ အပင်ပန်းခံလို့ လွှတ်ဝေးနေလိုက်တာ... အဲဒီအဆိုကို လိုက်နာခဲ့မိတာ နောင်တရမိလေခြင်း.. မထိ မတို့ဘဲ မျက်နှာလွဲ ကျောခိုင်းထားခဲ့တဲ့ ပန်းပွင့်ပေါင်းက မရေမတွက်အောင်ပင် များပြားလှပေါ့။ နှမြောမိသေးရဲ့... ဂလု...။

[အခန်း ၂]
နီကိုရဲစတိုင်အပြည့်နဲ့ ဗာဒံသီးမျက်လုံးပိုင်ရှင်... အလကားရတဲ့ PSI ဦးထုပ်လေးဆောင်းပြီး ဘာလုပ်မှန်းမသိ အမြဲအလုပ်ရှုပ်နေတတ်တဲ့သူ... လူရှေ့ကျပြုံးပြုံးနဲ့ တစ်ကော်လံအပိုင်စားရထားတဲ့ Hriatna Robawm ကနေ ၀င်ဝင်ပညာစွမ်းပြတတ်သူ ... ၅း၀၀ နာရီ ဘောလုံးပွဲတစ်ပွဲဟာ သူမပါရင် ဖြစ်မလာနိုင်ဘူးလို့ ခံယူထားတဲ့သူ.. ၆း၀၀ ကျော် အနံ့ပေါင်းစုံကြားက အနံ့ဖျောက်ပြီး အိနြေ္ဒမပျက်နေနိုင်သူ... သို့ကလို ကျော်ကြားမှုပေါင်း များစွာနဲ့လူ... အဲလေ... ကိုယ်လိုလူလည်း လရောင်ဆမ်းတဲ့ ပျားရည်ညလေးတွေကို မြိန်မြိန်ရှက်ရှက်ကြီး ခံစားကြည့်ချင်သေးတာပေါ့ဗျာ.. ။

[အခန်း ၃]
ငှက်ဖြစ်ရင်လည်း တစ်ကိုင်းတည်းနား
ငံပြာရည်ဖြစ်ရင်လည်း တစ်ပုလင်းထဲမှာ အတူပျော်ဝင်ဖို့အတွက်..
အဖော်မွန်နံရိုးလေးရေ...
လှည်းနေ လှေအောင်း မြင်းဇောင်းမကျန်.. အဲလေ.. တာဟန်းမှာ မြင်းမမွေးကြတော့ မွေးထားတဲ့ ၀က်ခြံမကျန်ပေါ့.. လိုက်လို့ရှာသော်လည်း... ရွှေပြည်တော် မျှော်တိုင်းဝေး နေဆဲ...
မြန်မာအားကစား ကမ္ဘာကိုလွမ်းပြီပေါ့ကွယ်... သွပ်.. သွပ်.. သွပ်..။
ဘာမှတော့မဆိုင်ဘူး... ဝေလေးပလာတာနဲ့ ဇိုးဒီကွန်ပျူတာလိုပေါ့။
ဘာပဲဖြစ်ဖြစ် ဖွင့်လက်စနဲ့ ဖွင့်မယ့်ဖွင့်တော့ ဘောင်းဘီဇစ်ပါမကျန် ဖွင့်ရတော့မှာပဲ... (ရင်ဖွင့်တာကို ပြောပါတယ်)။

လူလူသူသူ ဆိုရလောက်အောင် အနုပညာသန္မေလေးလည်း မဆင်းရဲပါဘူး။ လက်ရှိ နာမည်ကျော် ဂီတာသမား ဆံရှည်တွေထက်လည်း အောက်မကျပါဘူး... ရပ်ကွက်ပွဲလေးတွေမှာဆိုလည်း မခေပါကြောင်း ၄ ကြိုးထုံးဂီတာကြီးနဲ့ မဏ္ဍပ်တိုင်တောင် တက်ပြလိုက်သေး... ဟေး.. ဟေး... ။

သို့ပေမယ့်ပေါ့လေ... ပါရမီလေးက နုံချာရှာတော့ သူတို့လိုတော့ ဆော်မကြည်ဘူးပေါ့.. ဆိုးလှတဲ့ကံရယ်..
တစ်ချို့ကပြောတယ်.. "လူပျို အပျိုဟိုင်းကြီးဆိုတာ ရှေးဟောင်းပစ္စည်းမို့ ဈေးကောင်းအားကြီးတဲ့အခါ စားသုံးသူအဖို့ လက်လှမ်းမမီနိုင်ဘူး" တဲ့။ အဲလိုတော့လည်း ထန်းပင်လုံးနဲ့ မရမ်းကြပါနဲ့ဗျာ။ ကိုယ့်အားနည်းချက် လူသတိထားမိမှာစိုးလို့ အလုပ်ကိုပဲ cover ယူပြီး မေ့ချင်ယောင်ဆောင်နေရတာ။ အမှန်ပြောကြေး ဆိုရကြေးဆို လိုချင်လှပြီဗျ... ဟီး.. ။

လောလောဆယ်တော့ ဇာတ်နာကျပုံ ကမ်းကုန်ရစ်တာကြောင့်၊ လမ်းဆုံက ဂျမ်းဘုံဆိုလည်း 'အာမင်' ရမယ့်ဘ၀မှာ ဘုရားကိုယ်တော် မပေါ့နဲ့နော်.. ကယ်ပါဦးဗျ.. ချစ်သားတပည့်ကို။ ရွှေရတုက မျက်စပစ်နေတဲ့ ဘ၀ဇာတ်လမ်း သမိုင်းမှတ်တမ်းကို ကျွန်းလေးနောက်ခံ ရိုက်လိုက်ရရင်တော့ Hello Mawite၊ Minuamsa Babuu အပြင်းစားရိုက်ချက်နဲ့ သားသားရုပ်ထွက် စုတ်ပြတ်ပြီပေါ့....။

[အခန်း ၄]
မ၀ံ့မရဲ ဘေးပတ်ဝန်းကျင်ကို စူးစမ်းကြည့်တော့... Wesley Clinic က Staff မမတွေနဲ့ WY က အချို့သော မမတွေကြောင့် ချောက်ထဲကျမယ့်ဆဲဆဲ စိတ်ဓာတ်ယဲ့ယဲ့ကလေးကို အချိန်မှီကလေး ဆယ်တင်ပြီး၊ ငါလိုလူမျိုး ငါတစ်ယောက်တည်း မဟုတ်သေးပါကလား... ဆိုတဲ့ ဖြေတွေးလေးနဲ့ နှစ်သိမ့်လိုက်ရပါတယ်။ အဲလိုနဲ့ စိတ်ဓာတ်တွေကို အမြင့်ဆုံးသို့ ရွက်လွှင့်ခဲ့ပါတယ်။ ကိုယ့်ဝမ်းကိုယ့်နာ ကိုယ်သာသိသလို တိုင်းတစ်ပါးရောက် အမျိုးကောင်းသားများရဲ့ လောဘတကြီး အလိုက်မသိ ငဲ့ညှာရကောင်းမှန်းမသိဘဲ ဖွထဲ့လိုက်တဲ့ နောက်ဆုံးပေါ် ပါဆယ်ရောဂါကြီးက Flashy Virus လိုပဲ အမျိုးသမီးငယ်ငယ် မမတို့ရဲ့စိတ်ကူးယဉ်ကမ္ဘာကြီးကို သိမ်းပိုက်လိုက်နိုင်ပါပေတယ်။ အရှုံးသမားကြီးရဲ့ အရှိုက်ကို Hatrick ထိစေတဲ့ ထိချက်တွေပေါ့ဗျာ။

[နိဂုံး]
ပါဆယ်ဆိုလို့ ကျားရယ် မရယ် ခွဲခြားမနေဘဲ ညစ်ထေးဟောင်းနွမ်းနေတဲ့ အယူအဆတွေကို ဘာလင်တံတိုင်းကြီးဖြိုချသလို ဖြိုချစွန့်ခွာလို့ နိုင်ငံခြားရောက် ညီမလေးများအတွက် ပါဆယ်ပါရမီ အဖြည့်ခံဖို့ မပျက်စီးသေးတဲ့ အမှန်အကန် ရယ်ဒီမိတ်လေး ပါကင်ပိတ်နဲ့ အသင့်ရှိနေပါတယ်... ဆိုတဲ့အကြောင်း ....

ကိုယ်တိုင် ကိုယ်ကျ Gtalk လေးထဲ Invite လုပ်လိုက်ပါ.. ညစဉ် ညတိုင်း TSO က Net Cafe ဆိုင်မှာ ည ၉း၀၀ မှသည် Ready Standby ရှိနေမယ့်အကြောင်း... ဟိုင်းကြီးကျွန်းက မျှော်လင့်ခြင်းကွင်းပြင်ကြီးရဲ့ ရည်းစားဦးဇာတ်လမ်းကို အိပ်မက်ကဗျာရွတ်ရင်း အပြာရောင်အချစ်ည ဖန်ဆင်းဖို့ ခုနှစ်ထွေအကနဲ့ အခမ်းနားဆုံး စောင့်စားနေမှာပဲလို့ ဖွင့်ဟ၀န်ခံရင်း......

[တိုက်ဆိုင်မှုရှိလျှင် ခွေးလွှတ်ပါ... အဲ... ခွင့်လွှတ်ပါ လို့.. ဟဲ.. ဟဲ]